PAKE SYTSE

Pake Sytse is in klassiker yn it wurk fan Rink van der Velde (1932-2001). It is de bjusterbaarlike histoarje fan Sytse Cavelier, dy''t as jongkeardel samar ferdwun. It ferhaal wurdt ferteld troch pakesizzer Jehannes.

''Pake is jong weirekke, sa waard letter sein as it te praat kaam en wy us mem of beppe fregen werom''t der net in pake by us beppe wie. De rike Fryske taal stelde harren yn steat om de wierheid achter te halden sunder dat men it ligen neame koe.''

Fjirtich jier letter is pake Sytse ynienen werom. Hy set him ta wenjen yn in ald wenskip yn it romme fjild fan De Deelen, tusken De Tynje en Aldeboarn. Der is er begun en der wol er de ein besile. Dat soks hjoed de dei net mear kin, wol him mar min oan. As er foar it ferstan krijt dat er de slach ferlieze moat, docht er syn dingen.