MIKAL

Binne wy, froulju, no sa folle tuker en ferstanniger as manlju?
Mikal

Mikal is in boeredochter fan 11 jier. Se is in byderhant famke en, oars as har aldere suske, hat sy skriuwen leard. Dizze roman is har deiboek.
Mikal har jonge libben komt yn in streamfersnelling as Saul, har heit, keazen wurdt as kening oer Israel. Al jong trout se mei David, dy?t as lietsjesjonger, mar ek as kriichsman syn yntrede by it hof docht. De leafde haldt gjin stan om?t David it tsjin har heit yn ?ekant set. Boppedat siket er syn taflecht by butenlanske fijannen en oare froulju. Mikal trout dan mei Palty, in hiel oar minske as David.
Dan bart der in ramp: Kening Saul en trije fan syn soannen komme om op it slachfjild. David, dy?t jierrenlang yn it suden fan it lan op de skobberdebonk libbe, sjocht syn kans en lit himsels ta kening utroppe. En by in kening heart in keninginne. Immen mei statuer en grandeur. Dus easket David Mikal werom.
Mikal beseft dat der gjin untkommen oan is, en makket der it beste fan. Efter de skermen regelet se in soad en alle stoarmen dy?t it keningshus giselje oerlibbet se mei glans. Tuskentroch skriuwt se oer har eigen libben, en oer it libben fan de lju dy?t har paad kruse.

Mei dizze oansprekkende, spannende roman bringt Anders Rozendal histoaryske figueren ut de Bibel opnij ta libben.

Anders Rozendal begun mei it skriuwen fan koarte ferhalen yn it Friesch Dagblad en yn Fryske Ferhalebondels fan de Afuk en de Friese Pers Boekerij. Ferneamd is syn ferhaal Wetterloo yn ?e jubileumutjefte fan It Fryske Boek. Dernjonken skreau er in ferhalebondel en grut tal romans foar de KFFB. Opfallend is it ferskaat oan tema?s der?t Rozendal him oan weage. In pear fan syn romans binne basearre op bibelske ferhalen, mei it doel om in oare kant fan dy skiednissen sjen te litten. Dat jildt ek foar dizze roman.