KOADE READ

In wynpark yn ''e achtertun, samar ferskynt hjiroer in artikel yn ''e krante. De ynwenners fan Fierum, in middelgrut plak yn ''e buert fan Einum, steane op ''e achterste poaten. Trije boeren hawwe har lan al beskikber steld en sille meidiele yn de opbringst. Mar by de oare Fierumers, dy''t har oerfallen fiele, krije se de hannen net opelkoar. Al gau komme de hierskuorkes sa''t dy troch elke mienskip rinne, oan it ljocht. Uteinlik komme de bewenners foarelkoar oer te stean, mei gefolgen dy''t noch lang neitrilje sille.

Yn achttjin haadstikken wurde likefolle belutsenen foarsteld, werunder guon dy''t earder al in plakje opeasken yn de roman Einum (2012), om geandewei in rol te spyljen yn ''e ferhalen fan de oaren, in portret
foarmjend fan in mienskip yn unstjoer.

Koade read is in ferslach ut ''e frontliny fan de enerzjytransysje, fan ''e striid om of te kommen fan fossile branstoffen en troch te skeakeljen nei in griene takomst. In boek fol mei emoasjes, dy''t heech oprinne sa gau as de realisaasje werklik yn sicht komt. Sil it de tsjinstanners slagje om it ynplande wynpark op te kearen?

Mei De ljedder makke Koos Tiemersma in suksesfol debut yn de Fryske literatuer, dat yn 2003 bekroand waard mei de earste Rink van der Veldepriis. Dernei folgen mear boeken, lykas De ynfaller, Quist en Einum, der''t er yn 2015 de Gysbert Japicxpriis foar takend krige. Syn wurk falt op troch de orizjinele styl en opset, ferhalen dy''t gauris mei humor ferteld wurde sunder de earnst fan it bestean ut it each te ferliezen. Koade read is syn tolfde boek.