DE ROF FAN DE FRYSKE MUMMY

"Twa tellen letter siet ik ferstoppe achter de houten planken fan ''e preekstoel. De trep fan ''e mummykelder kreake. Mefrou Griis run nei boppen. Hie se my heard? Har hakken tikken fierder op ''e stiennen fan ''e tsjerkeflier. Elk momint ferwachte ik dat har gesicht mei dy gemiene laits ferskine soe."

De tolvejierrige Anna mei net mei har alden mei nei Singapore. No moat se op fakansje mei har freeslike tante Keet. En dan ek nochris nei de lytste en saaiste camping fan Fryslan. Gelokkich moetet se Wietze. Hy nimt har mei nei de mysterieuze tsjerke yn it doarpke Wiuwert. In tsjerke mei in grut geheim. Want minsken dy''t der begroeven wurde, feroarje yn mummys!

Mar as se in besite oan de tsjerke bringe, sjocht Anna in frouwat fertochts dwaan. Wol sy ien fan de mummys rovje om achter it geheim te kommen? Of slacht Anna''s fantasy op ''e rin? Foar''t se it yn ''e gaten hat, komt Anna yn in spannend aventoer telane en is se miskien wol de iennige dy''t de mummy rede kin.

De rof fan de Fryske mummy is basearre op it echte geheim fan de mummys fan Wiuwert. In mystearje dat al hunderten jierren lang noch troch gjinien oplost wurde koe.

Dit boek is ek yn it Nederlansk te krijen.